හීත් ස්ට්‍රීක් දිවි ගමනට සමුදෙයි.

සිම්බාබ්වේ කණ්ඩායමේ හිටපු ක්‍රිකට් නායකයෙකු සහ විශිෂ්ට ක්‍රීඩකයෙකු වන හීත් ස්ට්‍රීක් අද අභාවප්‍රාප්ත වී තිබෙනවා. මිය යන විට ඔහු 49 හැවිරිදි වියේ පසු වුණා. ඔහු දීර්ඝ කාලයක් තිස්සේ පිළිකාවකින් පීඩා විඳ ඇති බවට වාර්තා වනවා. ඔහු අද උදෑසන මිය ගිය බව ඔහුගේ බිරිඳ සිය ෆේස්බුක් ගිණූමේ සටහන් කර තිබෙනවා. මීට දින කීපයකට පෙරද ඔහු මිය ගිය බවට පුවතක් වාර්තා වූ අතර පසුව එය අසත්‍ය බව අනාවරණය වුණා.