නැවතත් රුසියාවේ තවත් නගරයක හදිසි තත්ත්වයක්

යුක්‍රේනය රුසියාව ආක්‍රමණය කිරීම දෙවන සතියට එළඹීමත් සමඟ රුසියාවේ බෙල්ගොරොද් ප්‍රදේශයේ ආණ්ඩුකාරවරයා හදිසි තත්වයක් ප්‍රකාශයට පත් කර තිබේ.

ඒ දිනපතා යුක්‍රේන ෂෙල් වෙඩි ප්‍රහාරවලින් නිවාස විනාශ වී සිවිල් වැසියන් මිය යන පසුබිමකයි.

රුසියාවේ කර්ස්ක් කලාපයට යුක්‍රේනය සිදුකළ ආක්‍රමණය එහි දෙවන සතියට පිවිස ඇති අතර තමන් දැන් එහි නගර සහ ගම් 74 ක් පාලනය කරන බව යුක්‍රේනය පවසනවා.

රුසියානු භූමියට යුක්‍රේනය කළ මෙම විස්මිත ප්‍රහාරය අගෝස්තු 6 වන දින ආරම්භ වූ අතර මොස්කව්හි පූර්ණ පරිමාණ ආක්‍රමණය ආරම්භ වූ දා සිට යුක්‍රේනයේ ගැඹුරුම සහ වැදගත්ම ආක්‍රමණය එයයි.

රුසියානු ජනතාවට එරෙහිව “අපරාධ කරන” බවට රුසියානු ජනපති පුටින් චෝදනා කර ඇති අතර, ඉතා ඉක්මනින් ප්‍රතිප්‍රහාර දියත් කරන බවට පතිඥා දී තිබෙනවා.