‘The Simpsons’ හි මිල්හවුස් චරිතයට හඬ කැවූ පමෙලා හේඩ්න්, කලාවට තිත තියයි

ලෝක ප්‍රකට ‘The Simpsons’ සජීවිකරණ කතා මාලාවේ මිල්හවුස් (Milhouse) නම් චරිතයට හඬ කැවූ පමෙලා හේඩ්න් (Pamela Hayden) සිය රංගනයෙන් සමුගන්නා බව නිවේදනය කර තිබෙනවා.

හේඩ්න්, 1989 සිට කථාංග 700 කට ආසන්න ප්‍රමාණයකට සිය හඬ දායකත්වය සපයා ඇත.

විශ්‍රාම ගැනීම පිළිබඳව ප්‍රකාශයක් නිකුත් කරමින් 70 හැවිරිදි හේඩ්න් සඳහන් කර තිබුණේ, සිය මයික්‍රෆෝනය එල්ලා තැබීමට කාලය පැමිණ ඇති බවයි.

“මගේ මයික්‍රෆෝනය එල්ලා තැබීමට කාලය පැමිණ තිබෙනවා.

මෙතරම් හාස්‍යජනක, මායාකාරී සහ පෙරළිකාර සංදර්ශනයක වැඩ කිරීමට ලැබීම ගෞරවයක් සහ ප්‍රීතියක්.

නිල් හිසකෙස් ඇති අවුරුදු 10 ක කණ්නාඩි පැළඳි පිරිමි ළමයාට මගේ හදවතේ සෑමවිටම විශේෂ ඉඩක් ඇත…”