මැතිවරණයෙන් ජපානයේ පාලක ලිබරල් ඩිමොක්‍රටික් පක්ෂයට බහුතරය අහිමි වේ

පසුගියදා ජපානයේ පැවති මැතිවරණයෙන් ජපාන පාලක ලිබරල් ඩිමොක්‍රටික් පක්ෂයට පාර්ලිමෙන්තුවේ බහුතර බලය අහිමි වී තිබේ.

ලිබරල් ඩිමොක්‍රටික් පක්ෂය විසින් නායකත්වය දෙන සභාගයට පාර්ලිමේන්තුවේ බහුතරය මෙලෙස අහිමි වී ඇත්තේ දශකයකට වැඩි කාලයක් තුළ වීම විශේෂයි.

LDP සහ එහි සභාග හවුල්කරුවා වන කුඩා පක්ෂය Komeito එකට ආසන 215ක් ලබාගෙන ඇති අතර, ආණ්ඩු කිරීමට අවශ්‍ය ආසන 233ක බහුතරයට වඩා එය අඩු ප්‍රමාණයකි.

LDP හි නව නායක ෂිගෙරු ඓශිබ විසින් ඔහු අගමැති ලෙස දිවුරුම් දීමට දින කිහිපයකට පෙර මැතිවරණය කැඳවන ලද නමුත් ඔහුගේ පක්ෂයේ පාර්ලිමේන්තු බහුතරය අහිමි වීම මේ වන විට ඔහුගේ දේශපාලන අනාගතය ද ප්‍රශ්න කර ඇත.

ඒ අනුව, LDP ට “දරුණු විනිශ්චයක්” ලැබී ඇති බව සඳහන් කරමින් ඔහු, මෙය “නිහතමානීව” පිළිගන්නා බවයි සඳහන් කර ඇත්තේ.