ඉන්දු – පාකිස්තාන තරගය සඳහා අතිරේක දිනයක් නම් කෙරේ.

ආසියානු කුසලාන එක්දින ක්‍රිකට් තරගාවලියේ සුපිරි හතරදෙනාගේ වටයේ ඉන්දියාව සහ පාකිස්තානය අතර සැප්තැම්බර් 10 වනදා පැවැත්වෙන තරගය සඳහා අතිරේක දිනයක් ප්‍රකාශයට පත්කර තිබෙනවා. ඒ අනුව එම තරගය කොළඹ ආර්.ප්‍රේමදාස ක්‍රීඩාංගණයේදී පැවැත්වීමට නියමිතයි. යම් හෙයකින් 10 වනදා තරගය අතරතුර ඊට වර්ෂාවෙන් බාධා ඇතිවුවහොත් තරගය පසුදින එනම් 11 වනදා පැවැත්වීමට සූදානම් කර තිබෙනවා. ඒ අනුව තරගය සඳහා ප්‍රවේශපත් ලබාගත් පිරිස් සඳහා එම ලබාගෙන තිබෙන ප්‍රවේශපත් අතිරේක දිනය සඳහා ද වලංගු වනවා.