සංගීත ලොව දැවැන්තයෙකු දිවි ගමනට සමුදෙයි

සංගීත ක්ෂේත්‍රයේ දැවැන්තයෙකු ලෙස සැලකෙන සංගීතඥයෙකු සහ වාර්තා නිෂ්පාදකයෙකු වන ක්වින්සි ජෝන්ස් ජීවිතක්ෂයට පත්ව තිබෙනවා.

ජීවිතක්ෂයට පත්වන විට ඔහුගේ වයස අවුරුදු 91ක්.

ඔහුගේ ප්‍රචාරක ආර්නෝල්ඩ් රොබින්සන් පැවසුවේ ඔහු ඊයේ (03) රාත්‍රියේ ලොස් ඇන්ජලීස් හි බෙල් එයාර් හි පිහිටි ඔහුගේ නිවසේදී ජීවිතක්ෂයට පත් වූ බවයි.

ග්‍රැමී සම්මාන 28 ක් දිනාගත් (සහ බියොන්සේ සහ ජේ-ඉසෙඩ්ට පසුව වඩාත්ම නම් කරන ලද කලාකරුවා වූ) ජෝන්ස්, මයිකල් ජැක්සන්, ෆ්‍රෑන්ක් සිනාට්‍රා, කවුන්ට් බාසි සහ සෙලින් ඩියොන් ඇතුළු සංගීතඥයන් සමඟ වැඩ කරමින් දශක හතකට වැඩි කාලයක් පුරා වෘත්තීය ජීවිතයක් ගත කරනු ලැබුවා.

ජැක්සන් වෙනුවෙන්, ඔහු ඕෆ් ද වෝල්, ත්‍රිලර් සහ බැඩ් ඇල්බම නිෂ්පාදනය කරනු ලැබුවා.