ශ්‍රී ලංකා කණ්ඩායමට අසාර්ථක ආරම්භයක් – පළමු තරගයෙන් ඇෆ්ගනිස්තානයට කඩුලු 8ක සුපිරි ජයක්.

ආසියානු කුසලාන තරගාවලිය අරඹමින් ශ්‍රී ලංකාව හා ඇෆ්ගනිස්තානය අතර පැවති පළමු තරගයෙන් කඩුලු 8ක සුපිරි ජයක් වාර්තා කරන්නට ඇෆ්ගනිස්තාන කණ්ඩායම අද සමත් වුණා. කාසියේ වාසිය දිනා ගත් ඇෆ්ගනිස්තාන කණ්ඩායම් නායක Mohammed Nabi පළමුවෙන් පන්දු යැවීමට තීරණය කළා. ඒ අනුව පිටියට පිවිසි ශ්‍රී ලංකා කණ්ඩායමට පන්දුවාර 19.4ක් අවසානයේ සියලු දෙනා දැවී රැස් කරගත හැකි වූයේ ලකුණු 105ක් පමණයි. පළමු පන්දුවාරය තුළදී ශ්‍රී ලංකා කණ්ඩායමේ කඩුලු 2ක් බිද වැටුණු අතර මුළු ලකුණු සංඛ්‍යාව 05ක් වනවිට ප්‍රබල කඩුලු 03ක් බිද වැටීම සිදු වුණා. ඒ කුසල් මෙන්ඩිස්, චරිත් අසලංක සහ පැතුම් නිශ්ශංක. භානුක රාජපක්ෂ පන්දු 29කදී ලකුණු 38ක් රැස් කළ අතර හුදකලා සටනක නිරත වෙමින් අවසන් පන්දුවාර කීපය තුළ ලකුණු 100 කඩඉම පසු කරමින් චාමික කරුණාරත්න පන්දු 38කදී ලකුණු 31ක් රැස් කළා. ධනුෂ්ක ගුණතිලක ලකුණු 17ක් රැස් කලා. Fazalhaq Farooqi කඩුලු 3ක් සහ නායක Mohammed Nabi සහ Mujeeb Ur Rahman කඩුලු දෙක බැගින් දවා ගත්තා. ඒ අනුව ඇෆ්ගන් කණ්ඩායමට ලකුණු 106ක ඉලක්කයක් හිමි වූ අතර ඔවුන් පන්දුවාර 10.1ක් අවසානයේ එම ඉලක්කය ජය ගත්තා. Rahmanullah Gurbaz පන්දු 18කදී ලකුණු 40ක් සහ Hazratullah Zazai ලකුණු 37ක් රැස් කළා. වනිදු හසරංග සහ මහීෂ් තීක්ෂණ එක් කඩුල්ල බැගින් රැස් කළා.