චීනයේ ෂෙන්ජෝ-19 අභ්‍යවකාශ යානය අභ්‍යවකාශගත කිරීම

චීනයේ ෂෙන්ජෝ-19 ගගනගාමීන් සහිත අභ්‍යවකාශ යානය ඔක්තෝබර් 30 වැනිදා බෙයිජිං වේලාවෙන් පෙ.ව. 4.27ට ජියු-චුඇන් චන්ද්‍රිකා දියත් කිරීමේ මධ්‍යස්ථානයේ සිට දියත් කෙරේ.

මෙම දියත් කිරීමේ වැඩසටහනේ සජීව විකාශය මෙසේය.

ෂෙන්ජෝ-19 කාර්යමණ්ඩලය ලෙස එක්වන ගගණගාමීන් තිදෙනා ඔක්තෝබර් 29 වැනිදා මාධ්‍ය හමුවකටද එක්විය.

ත්සයි ෂූජ මහතා මෙහි ප්‍රධාන අණදෙන නිළධාරියා ලෙස කටයුතු කරන අතර, සොං ලිංඩොං මහතා හා වං හඕස මහත්මිය මෙහි සෙසු කාර්ය මණ්ඩලය ලෙස ක්‍රියාකරයි.

දැනට චීනයේ සිටින එකම කාන්තා අභ්‍යවකාශ පියාසර ඉංජිනේරුවරිය වන වං මහත්මිය, අභ්‍යාවකාශගත වන තෙවැනි චීන කාන්තාව ලෙසද ඉතිහාසගත වේ.

මොවුන් මෙලෙස අභ්‍යවකාශගත වන්නේ සය මසක මෙහෙයුම් කාලයක් සඳහාය.

ෂෙන්ජෝ-19 මෙහෙයුම දියත්කිරීමට අදාලව, පසුගිය දින කිහිපය පුරාවටම සිදුවූ පූර්ව පරීක්ෂණ හා සූදානම් කිරීම්, මේ වන විට අවසන් වී තිබේ.

මේ අතර, තවමත් ටියැංගොං අභ්‍යවකාශ මධ්‍යස්ථානයේ සිටින ෂෙන්ජෝ 18 කාර්ය මණ්ඩලයද, සිය වැඩකටයුතු නිමා කරමින්, යළි පෘථිවියට පැමිණීමට සූදානම් වෙමින් සිටියි.