”පරක්කු නෑ වෙනස් කරමු” යන තේමාව ඔස්සේ රනිල් කරලියට

”පරක්කු නෑ වෙනස් කරමු” යන තේමාව ඔස්සේ රනිල් වික්‍රමසිංහ මහතා පෙරටු කොටගෙන ගෑස් සිලින්ඩරේ පොදු මැතිවරණ ප්‍රචාරක වැඩසටහන ඊයේ (30) සිට ආරම්භ කර තිබේ.

ඒ වෙනුවෙන් නිර්මාණය කරන ලද ගීතයක් මේවන විට අන්තර්ජාලයට මුදා හැර අවසන්.

නැවතත් රට ප්‍රපාතයට වැටුනහොත් ඉන් මුදා ගැනීම පිණිස පළපුරුදු සිලින්ඩරය කණ්ඩායම පාර්ලිමේන්තුවේ සිටිය යුතුම බව එම ගීතයේ අදහස වී තිබේ.

එමෙන්ම රනිල් වික්‍රමසිංහ සහ දිනේෂ් ගුණවර්ධන යන නායකයන් දෙපල යටතේ මේ මැතිවරණ මෙහෙයුම සිදු කරන බවද ඉන් පෙන්වීමට උත්සාහ කර ඇත.

මේ අතර, මෙවර ගෑස් සිලින්ඩරයෙන් කොළඹ දිස්ත්‍රික්කයට තරග කරනු ලබන හිටපු ජනාධිපති ජ්‍යෙෂ්ඨ උපදේශක හා කාර්යමණ්ඩල ප්‍රධානී සාගල රත්නායක මහතා ද සිය දේශපාලන කටයුතු ආරම්භ කරනු ලැබුවේ සිංදුවක් මුදාහරිමිනි.

“කොළඹ ඡන්ද ගීතය” (Colombo Vote Song) ඔහු එය නම් කර තිබේ.