අද දහවල් රාජගිරියේ ගින්නක් හටගෙන තිබෙනවා

රාජගිරිය, ඔබේසේකරපුර ප්‍රදේශයේ කර්මාන්තශාලාවක ගින්නක් හටගෙන තිබේ.

පොලීසිය සඳහන් කළේ වාහන සේවා සපයන ස්ථානයක මෙම ගින්න හටගෙන ඇති බවය.

ගිනි නිවීමේ සේවා දෙපාර්තමේන්තුව සඳහන් කළේ ගින්න මැඩපැවැත්වීම සඳහා කෝට්ටේ නගර සභාව, ගිනි නිවීමේ ඒකකයෙන් ගිනි නිවීම් රථ 03ක් සහ සිය දෙපාර්තමේන්තුවෙන් ගිනි නිවීම් රථ 02ක් යොදවා ඇති බවය.

කර්මාන්තශාලාව තුළ හටගත් ගින්න ඒ අසල පිහිටි නිවාස සංකීර්ණයක් වෙතද පැතිරගොස් ඇති බවද ගිනි නිවීමේ සේවා දෙපාර්තමේන්තුව සඳහන් කළේය.

ගින්න ඇතිවීමට හේතුව හෝ සිදුවූ හානිය පිළිබඳව මෙතෙක් කරුණු අනාවරණය වී නොමැත.