පොදුරාජ්‍ය මණ්ඩලයීය ක්‍රීඩා උළෙලෙන් ශ්‍රී ලංකාව පළමු පදක්කම හිමිකර ගනී.

මෙවර පොදුරාජ්‍ය මණ්ඩලයීය ක්‍රීඩා උළෙලේ සිය පළමු පදක්කම දිනා ගැනීමට ශ්‍රී ලංකාව අද (30) සමත්වුණි.
ඒ කිලෝග්‍රෑම් 55 පිරිමි බර ඉසිලීම ඉසව්වට ඉදිරිපත් වූ ඉසුරු කුමාර විසිනි. ඔහු ස්නැච් ක්‍රමයට කිලෝ ග්‍රෑම් 105ක් සහ ක්ලීන් ඇන්ඩ් ජර්ක් ක්‍රමයට කිලෝ ග්‍රෑම් 120ක් ඔසවමින් එම ඉසව්වේ දී එසවූ මුළු බර ප්‍රමාණය කිලෝ ග්‍රෑම් 225කි. කිලෝ ග්‍රෑම් 55 පිරිමි බර ඉසිලීමේ ඉසව්වේ රන් පදක්කම මැලේසියාව නියෝජනය කළ මොහොමඩ් අනික් දිනා ගත් අතර රිදී පදක්කම ඉන්දියාව නියෝජනය කළ මහදෙව් සාගර් දිනා ගත්තේය.