නතාෂා එදිරිසූරිය අත්අඩංගුවට.

පසුගියදා කොළඹ ප්‍රසිද්ධ පාසලක පැවති වැඩසටහනකදී බුදු දහමට නිගා වන ආකාරයේ ආන්දෝලනාත්මක ප්‍රකාශයක් සිදුකළායැයි කියන නතාෂා එදිරිසූරිය අත්අඩංගුවට ගෙන තිබෙනවා. රටින් පිටවීමට උත්සාහ කිරීමේදී ඇය ඊයේ රාත්‍රීයේ කටුනායක ගුවන් තොටුපොළේදී අපරාධ පරීක්ෂණ නිලධාරීන් විසින් අත්අඩංගුවට ගත් බවයි පොලීසිය සඳහන් කළේ. “මෝඩාභිමානය” නමින් සංවිධානය කර තිබූ වැඩසටහනකදී ඇය විසින් සිදුකරනු ලැබූ එම ආන්දෝලනාත්මක ප්‍රකාශය සම්බන්ධයෙන් සමාජය තුළ කතාබහක් ඇති වී තිබූ අතර විවිධ පාර්ශවයන් විසින් එම ප්‍රකාශය සම්බන්ධයෙන් දැඩි විවේචනාත්මක මත පළකරා.