ඡන්ද පෙට්ටි සියලු තේරීම්භාර නිලධාරීන් වෙතට

මෙවර ජනාධිපතිවරණයේ දී ඡන්ද පෙට්ටි ලෙස යොදා ගැනීමට නියමිත කාඩ්බෝට් පෙට්ටි මේ වන විට දිවයිනේ සියලු තේරීම්භාර නිලධාරීන් වෙත යවා අවසන් කර ඇති බව මැතිවරණ කොමිෂන් සභාව පවසනවා.

අදාළ ඡන්ද පෙට්ටි එළඹෙන 20 වෙනිදා තේරීම්භාර නිලධාරීන් විසින් ඡන්ද මධ්‍යස්ථාන සදහා නිකුත් කරනු ලබනවා.

ඡන්ද පත්‍රිකාව ප්‍රමාණයෙන් විශාල වීම හේතුවෙන් මෙවර ලී පෙට්ටි වෙනුවට ප්‍රමාණ 3කින් කාඩ්බෝඩ් පෙට්ටි භාවිත කිරීමට මැතිවරණ කොමිෂන් සභාව තීරණය කළා.

එක් එක් ඡන්ද මධ්‍යස්ථානවල ලියාපදිංචි ඡන්ද ගණන අනුව වර්ග තුනකින් ඡන්ද පෙට්ටි නිකුත් කරන අතර, ඡන්ද 1 – 800 දක්වාද, ඡන්ද 800-1200 දක්වා සහ ඡන්ද 1200ට වැඩි ඡන්ද මධ්‍යස්ථාන වශයෙන් මෙම වර්ග තුන බෙදීයන බව වාර්තා වනවා.