අල්ලස් ලබාගත් විදුහල්පතිනියක් අත්අඩංගුවට

රුපියල් 150,000 ක් අල්ලස් වශයෙන් ඉල්ලා ලබාගත් රාගම ප්‍රදේශයේ ප්‍රාථමික පාසලක විදුහල්පතිනියක් අත්අඩංගුවට ගෙන තිබෙනවා.

රාගම, මත්තුමගල ප්‍රදේශයේ කාන්තාවක විසින් කරන ලද පැමිණිල්ලකට අනුව අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් මෙම අත්අඩංගුවට ගැනීම සිදුකර ඇති බවයි සඳහන් වෙන්නේ.

අදාළ විදුහල්පතිනිය විසින් පැමිණිලිකාරියගේ දරුවා 2025 වර්ෂයේ දී පළමු ශ්‍රේණියට ඇතුළත් කර ගැනීම සඳහා මෙම මුදල් අල්ලස් වශයෙන් ඉල්ලා ඇති අතර, එම මුදල එම විදුහලේ පාසලේ කාර්යාලයේදී ලබාගැනීමේදී ඇයව මෙලෙස අත්අඩගුවට ගෙන තිබෙනවා.

අත්අඩංගුවට ගන්නා ලද සැකකාරිය කොළඹ ප්‍රධාන මහේස්ත්‍රාත් අධිකරණය වෙත ඉදිරිපත් කිරීමට නියමිතයි.