බදුල්ලේ බස්රථයක් පෙරළී සරසවි සිසුන් දෙදෙනෙකු මරුට

බදුල්ල, දුන්හිඳ මාර්ගයේ 4 කණුව ප්‍රදේශයේදී විශ්වවිද්‍යාල සිසුන් පිරිසක් ගමන් ගත් බස් රථයක් පෙරළී සිසුවියන් දෙදෙනෙකු ජීවිතක්ෂයට පත්ව තිබෙනවා.

කොතලාවල ආරක්ෂක විශ්වවිද්‍යාලයට අයත් බස් රථයක් මෙලෙස අනතුරට ලක්වී ඇති බවයි වාර්තා වන්නේ.

අනතුරින් 35 දෙනෙකු තුවාල ලබා ඇති බව සඳහන්.

ක්ෂේත්‍ර චාරිකාවක නිරතව සිටි සිසුන් පිරිසක් ඇතුළු 41 දෙනෙකු අනතුර සිදුවන අවස්ථාවේ බස් රථයේ ගමන්කරමින් සිට තිබෙනවා.

අනතුරින් තුවාල ලැබු පුද්ගලයින් මේ වනවිට බදුල්ල මහ රෝහලට ඇතුළත් කර ඇති බවයි වාර්තා වන්නේ.