පාරිභෝගික අධිකාරියෙන් වැටලීම් 16,530ක්

2024 ජනවාරි මස 01 වැනිදා සිට පසුගිය අගොස්තු මස 30 වැනිදා දක්වා කාලය තුළ දිවයින පුරා සිදුකළ වැටලීම්වලින් රුපියල් කෝටි 13කට අධික දඩ මුදල් නියම කර ඇති බව පාරිභෝගික කටයුතු පිළිබඳ අධිකාරිය පවසයි.

එම කාලය තුළ සිදුකර ඇති වැටලීම් සංඛ්‍යාව 16,530කි.

එහිදී දඩ මුදල් ලෙස රුපියල් 136,159,999ක් නියම කර තිබේ.

පාන් සඳහා සිදුකර ඇති වැටලීම් සංඛ්‍යාව 1557කි.

සහල් සඳහා වැටලීම් 2382ක් සිදුකර ඇති අතර සුපිරි වෙළෙඳසැල් වැටලීම් 520ක් සිදුකර ඇති බව පාරිභෝගික කටයුතු පිළිබඳ අධිකාරිය වැඩිදුරටත් සඳහන් කළේය.