Kandy Falcons කණ්ඩායමට කඩුළු 5ක ජයක්.

Galle Gladiators කණ්ඩායම කඩුළු 5කින් පරාජය කළ Kandy Falcons ක්‍රීඩකයෝ LPL තරගාවලියේ දින දෙකක් ඇතුළත දෙවැනි ජයත් ලබාගත්හ. හම්බන්තොටදී අද පැවැති තරගයේදී ලකුණු 122ක පහසු ඉලක්කයක් කරා ගිය Kandy කණ්ඩායම පන්දුවාර 5ක් ඉතිරිව තිබියදීම ඉලක්කය පසුකර ගියේය. පන්දු 34කින් ලකුණු 44ක් ලබාගත් කමිඳු මෙන්ඩිස් මහනුවර පිල වෙනුවෙන් සාර්ථක පිතිහරඹයක නිරත වූවත් තරගයේ වාසිය Kandy Falcons කණ්ඩායමට ගෙනැවිත් දුන්නේ කාලෝස් බ්‍රැත්වෙයිට් විසිනි. තම පන්දුවාර 4 එක දිගටම යැවූ කාලෝස් බ්‍රැත්වෙයිට්ගේ (14/4) අසහාය පන්දු යැවීම හමුවේ අමාරුවේ වැටුණු ගාල්ල ග්ලැඩියේටර්ස් කණ්ඩායම සිය පළමු කඩුළු 5 ලකුණු 28ක් ඇතුළත අහිමි කරගත්තේය. එහෙත් හයවැනි කඩුල්ල වෙනුවෙන් මොවින් සුබසිංහ (40) සහ ඉමාඩ් වසීම් (34) එක්ව ගොඩනැංවූ ලකුණු 65ක සම්බන්ධතාව නිසා යන්තම් හිස් ඔසවාගත් ගාල්ල ක්‍රීඩකයෝ පන්දුවාර 20 අවසානයේදී ලකුණු 121කට සීමා වූහ. මොවින් සුබසිංහ හතරේ පහර 4 ක් සහ හයේපහර දෙකක් සමගින් පන්දු 38කදී ලකුණු 40ක් ලබාගත්තා. ගාල්ල ග්ලැඩියේටර්ස් – ඕවර 20කදී කඩුළු 8ක් දැවී 121
(කුසල් මෙන්ඩිස් 14, නුවනිඳු ප්‍රනාන්දු 13, මොවින් සුබසිංහ 40, ඉමාඩ් වසිම් 34, කාලෝස්
බ්‍රැත්වෙයිට් 14/4, සහූර් ඛාන් 26/2)
Kandy Falcons – ඕවර 15කදී කඩුළු 5ක් දැවී 123
(පැතුම් නිස්සංක 22, ඇන්ඩි්‍ර ෆ්ලෙචර් 20, කමිඳු මෙන්ඩිස් 44, ෆේබියන් ඇලන් 10, නුවන් ප්‍රදීප්
34/2)