Jaffna Kings පරදා Dambulla Aura කණ්ඩායමට කඩුලු 8ක සුපිරි ජයක්.

Jaffna Kings කණ්ඩායම සහ Dambulla Aura කණ්ඩායම අතර අද පැවති ලංකා ප්‍රිමියර් ලීග් තරගාවලියේ සිව්වන තරගයෙන් කඩුළු 8ක විශිෂ්ට ජයක් ලබා ගැනීමට Dambulla Aura කණ්ඩායම සමත් වුණා. කොළඹ ආර්. ප්‍රේමදාස ක්‍රීඩාංගණ‍යේදී පැවති තරගයේ කාසියේ වාසිය දිනා පළමුවෙන් පන්දුවට පහරදුන් Jaffna Kings කණ්ඩායම‍ට Dambulla Aura පන්දු යවන්නන්ගේ දක්ෂ පන්දු යැවීම හමුවේ පන්දුවාර 20 අවසානයේ කඩුලු 7ක් දැවී ලබාගත හැකි වූයේ ලකුණු 129ක් පමණයි. මෙම තරගයේදී සුපිරි ක්‍රීඩක David Miller LPL වරම් හිමි කරගැනීම විශේෂත්වයක්. Jaffna Kings කණ්ඩායම වෙනුවෙන් චරිත් අසලංක ලකුණු 56ක් සහ Towhid Hridoy ලකුණු 24ක් රැස් කළා. සිය මංගල LPL තරගයට ක්‍රීඩා කළ David Millerට රැස් කරගත හැකි වූයේ ලකුණු 14ක් පමණයි. බිනුර ප්‍රනාන්දු කඩුළු 2ක් බිඳ හෙළුවා. ඒ අනුව ලකුණු 130ක ඉලක්කයක් හඹා යෑම සඳහා පිටියට පිවිසි Dambulla Aura කණ්ඩායම එම ඉලක්කය පන්දුවාර 16.2ක් අවසානයේ එම ඉලක්කය පසුකර ගියා. එහිදී Dambulla Aura කණ්ඩායම වෙනුවෙන් අවිෂ්ක ප්‍රනාන්දු සුපිරි පිතිහරඹයක නිරත වෙමින් පන්දු 32කදී හතරේ පහර 6ක් සහ හයේ පහර 3ක් සමගින් ලකුණු 52ක් රැස් කළ අතර කුසල් ජනිත් පෙරේරා ලකුණු 34ක් සහ නායක කුසල් මෙන්ඩිස් ලකුණු 29ක් රැස් කළා. තරගයේ වීරයා අවිෂ්ක ප්‍රනාන්දු.