ශ්‍රී ලංකා දෙවෙනි ඉනිම කඩුළු 5ක් දැවී ලකුණු 251යි – ඇන්ජලෝ මැතිව්ස්ගෙන් ශතකයක්.

ශ්‍රී ලංකාව හා නවසීලන්තය අතර පැවැත්වෙන පළමු ටෙස්ට් ක්‍රිකට් තරගයේ සිය දෙවන ඉනිම ක්‍රිඩා කරන ශ්‍රී ලංකා කණ්ඩායම තේ පානය සඳහා තරගය විට කඩුළු 5ක් දැවී ලකුණු 251ක් ලබා සිටිනවා. ඒ අනුව ශ්‍රී ලංකා කණ්ඩායම නවසීලන්ත කණ්ඩායමට වඩා ලකුණු 233ක් ඉදිරියෙන් පසුවනවා. අද දිනයේ ඇන්ජලෝ මැතිව්ස් සිය 14 වැනි ටෙස්ට් ශතකය වාර්තා කිරීමට සමත් වූ අතර එම ශතකය සඳහා හතරේ පහර 11ක් ඇතුළත් වුණා. ඕෂධ ප්‍රනාන්දු ලකුණු 28ක්, දිමුත් කරුණාරත්න ලකුණු 17ක්, කුසල් මෙන්ඩිස් ලකුණු 14ක්, ප්‍රභාත් ජයසූරිය ලකුණු 6ක් සහ දිනේෂ් චන්දිමාල් ලකුණු 42ක් ලබා සිටියදී දැවීගිය අතර මේ වන විට නොදැවී පන්දුවට පහරදෙමින් සිටින ඇන්ජලෝ මැතිව්ස් ලකුණු 108ක් හා ධනංජය ද සිල්වා ලකුණු 25ක් ලබාගෙන සිටිනවා. Blair Tickner ලකුණු 74කට කඩුළු 4ක් දවාගෙන සිටිනවා.