ශ්‍රී ලංකාව සමග එක්සත් අරාබි එමීර් කණ්ඩායම තරග බිමට.

ඔස්ට්‍රේලියාවේ පැවැත්වෙන විස්සයි විස්ස ලෝක කුසලාන තරගාවලියේ පළමු වටයේ ශ්‍රී ලංකාව සහභාගි වන තීරණාත්මක තරගය එක්සත් අරාබි එමීර් කණ්ඩායම සමග හෙට (18) ජීලෝන්හිදී පැවැත්වෙනවා. තරගය ශ්‍රී ලංකා වේලාවෙන් පස්වරු 1.30ට ආරම්භ වීමට නියමිතයි. ශ්‍රී ලංකාවට සුපිරි 12 දෙනාගේ වටයට ඇතුළත් විමට හැකි වන්නේ මෙම තරගය සහ නෙදර්ලන්තය සමග පැවැත්වීමට නියමිත තරගය ජයගතහොත් පමණයි. මීට පෙර පැවැති නැමීබියානු කණ්ඩායම සමග පැවැති තරගයෙන් ශ්‍රී ලංකාවට ලකුණු 55ක පරාජයක් අත්වුණා.