International
නොබෙල් භෞතික විද්‍යා ත්‍යාගය AI පුරෝගාමීන් දෙදෙනෙක්ට
අමෙරිකා එක්සත් ජනපද විද්‍යාඥ ජෝන් හොප්ෆීල්ඩ් සහ බ්‍රිතාන්‍ය-කැනේඩියානු ජාතික ජෙෆ්රි හින්ටන් යන්ත්‍ර ක්‍රියාකරන ආකාරය සඳහා පදනම දැමූ සොයාගැනීම් සහ නව නිපැයුම් සඳහා 2024 භෞතික විද්‍යාව සඳහා වූ නොබෙල් ත්‍යාගය දිනා ගෙන තිබෙනවා.
මේ වසරේ භෞතික විද්‍යාව පිළිබඳ නොබෙල් ත්‍යාගලාභීන් දෙදෙනා ප්‍රබල යන්ත්‍ර ඉගෙනීමේ ක්‍රම දියුණු කිරීම සඳහා භෞතික විද්‍යාවේ මෙවලම් භාවිතා කර ඇති බව සම්මාන ප්‍රදානෝත්සවය නිවේදනයක් නිකුත් කර ඇති බව සඳහන්.
කෘතිම ස්නායුක ජාල මත පදනම් වූ යන්ත්‍ර ක්‍රියාකරන ආකාරය පිළිබඳ දැනීම, විද්‍යාව, ඉංජිනේරු විද්‍යාව සහ දෛනික ජීවිතයේ විප්ලවීය වෙනසක් සිදු කරනවා.
ප්‍රින්ස්ටන් විශ්ව විද්‍යාලයේ මහාචාර්යවරයකු වන හොප්ෆීල්ඩ්, දත්තවල රූප සහ වෙනත් රටා ගබඩා කර ප්‍රතිනිර්මාණය කළ හැකි සහකාර මතකයක් නිර්මාණය කළ බවයි ඇකඩමිය පවසන්නේ.
ටොරොන්ටෝ විශ්ව විද්‍යාලයේ මහාචාර්යවරයෙකු ලෙස සේවය කරන හින්ටන්, දත්තවල ගුණාංග ස්වයංක්‍රීයව සොයා ගැනීමට සහ පින්තූරවල නිශ්චිත මූලද්‍රව්‍ය හඳුනා ගැනීම වැනි කාර්යයන් සිදු කළ හැකි ක්‍රමයක් සොයා ගත් බව එය වැඩිදුරටත් සඳහන් කරනවා.
ඔවුන් දෙදෙනාගේ මෙම සොයා ගැනීම් අගය කරමින් භෞතික විද්‍යාව සඳහා ත්‍යාගය ඔවුන් දෙදෙනාට ලබා දී ඇති බවයි වාර්තා වන්නේ.
