විශ්වවිද්‍යාල ආචාර්යවරුන්ගේ වැඩ වර්ජනය දෙවැනි දිනටත් අඛණ්ඩව පැවැත්වෙයි.

මෙරට සියලු විශ්ව විද්‍යාල ආවරණය වන පරිදි ආරම්භ කළ විශ්වවිද්‍යාල ආචාර්යවරුන්ගේ වැඩ වර්ජනය අද (10) දෙවන දිනටත් අඛණ්ඩව පැවැත්වෙන බව විශ්වවිද්‍යාල ආචාර්යවරුන්ගේ සමිති සම්මේලනයේ සභාපති ශ්‍යාම් බන්නැහැක පවසනවා. ඒ අනුව මේ වන විට විශ්වවිද්‍යාලයේ සියලු අධ්‍යයන කටයුතුවලින් ආචාර්යවරුන් ඉවත්වීම හේතුවෙන් විශ්වවිද්‍යාලවල කටයුතු අඩාලවී ඇති බවද ශ්‍යාම් බන්නැහැක සඳහන් කළා. මෙම තත්ත්වය තවදුරටත් ඉදිරියට යාමට ඉඩ නොදී රජය මේ සඳහා මැදිහත්ව මෙම බදු ප්‍රතිපත්තිය සඳහා විසඳුමක් ලබාදෙන ලෙස විශ්වවිද්‍යාල ආචාර්යවරුන්ගේ සමිති සම්මේලනය වැඩිදුරටත් ඉල්ලා සිටිනවා.