ශ්‍රී ලංකා ක්‍රිකට් ‘ඒ’ කණ්ඩායම අද පාකිස්තානයට

සිව්දින හා එක්දින තරග සංචාරයක් සඳහා ශ්‍රී ලංකා ක්‍රිකට් ‘ඒ’ කණ්ඩායම අද (7) පස්වරුවේ පාකිස්තානය බලා පිටත් ගියේය.

දෙරට අතර සිවුදින තරග 2ක් සහ එක්දින තරග 3ක් පැවැත්වීමට නියමිතව ඇත.

ඉන් පළමුව සිව්දින තරගාවලිය පැවැත්වේ.

ශ්‍රී ලංකා ක්‍රිකට් තේරීම් කමිටුව එක්දින හා සිව්දින තරගාවලි සඳහා සංචිත දෙකක් නම්කරනු ලැබීය.

ඉන් සිව්දින කණ්ඩායම පසිඳු සූරියබණ්ඩාර විසින්ද, එක්දින කණ්ඩායම නුවනිඳු ප්‍රනාන්දු විසින්ද මෙහෙයවනු ලබයි.

දෙරට අතර පළමු සිවුදින තරගය එළැඹෙන 11වැනිදා ආරම්භ වේ.